The Book of Genesis, Chapter 8ΓΕΝΕΣΙΣ Η′

Καὶ ἐμνήσθη ὁ θεὸς τοῦ Νωε καὶ πάντων τῶν θηρίων καὶ πάντων τῶν κτηνῶν καὶ πάντων τῶν πετεινῶν καὶ πάντων τῶν ἑρπετῶν, ὅσα ἦν μετ᾿ αὐτοῦ ἐν τῇ κιβωτῷ· καὶ ἐπήγαγεν ὁ θεὸς πνεῦμα ἐπὶ τὴν γῆν, καὶ ἐκόπασεν τὸ ὕδωρ.

And God remembered Noah and all the wild beasts and all the cattle and all the birds and all the reptiles, as many as were with him in the ark; and God brought a wind upon the earth, and the water subsided.

Καὶ ἐπεκαλύφθησαν αἱ πηγαὶ τῆς ἀβύσσου καὶ οἱ καταρράκται τοῦ οὐρανοῦ, καὶ ἀνεσχέθη ὁ ὑετὸς ἀπὸ τοῦ οὐρανοῦ.

And the fountains of the deep were covered over and the floodgates of heaven were stopped, and the rain from heaven was restrained.

Καὶ ἐπορεύετο τὸ ὕδωρ καὶ ἐκόπαζεν ἀπὸ τῆς γῆς, ἐπορεύετο δὲ ὑφιζάνων καὶ ἐλαττούμενον μετὰ ἑκατὸν πεντήκοντα ἡμέρας.

And the water was going and subsiding from the earth, and it was going on, diminishing and decreasing, after a hundred and fifty days.

Καὶ ἐκάθισεν ἡ κιβωτὸς ἐν μηνὶ τῷ ἑβδόμῳ, ἑβδόμῃ καὶ εἰκάδι τοῦ μηνός, ἐπὶ τὰ ὄρη τὰ Αραρατ.

And the ark came to rest in the seventh month, on the twenty-seventh day of the month, upon the mountains of Ararat.

Τὸ δὲ ὕδωρ ὑφιζάνων ἐπορεύετο ἕως τοῦ δεκάτου μηνός· ἐν δὲ τῷ δεκάτῳ μηνί, τῇ πρώτῃ τοῦ μηνός, ὤφθησαν αἱ κεφαλαὶ τῶν ὀρέων.

And the water continued sinking and diminishing until the tenth month; and in the tenth month, on the first of the month, the tops of the mountains were seen.

Καὶ ἐγένετο μετὰ τεσσαράκοντα ἡμέρας ἠνέῳξεν Νωε τὴν θυρίδα τῆς κιβωτοῦ, ἣν ἐποίησεν.

And it came to pass after forty days that Noah opened the window of the ark which he had made.

Καὶ ἀπέστειλεν τὸν κόρακα τοῦ ἰδεῖν εἰ κεκόπακεν τὸ ὕδωρ· καὶ ἐξελθὼν οὐχ ὑπέστρεψεν ἕως τοῦ ξηρανθῆναι τὸ ὕδωρ ἀπὸ τῆς γῆς.

And he sent out the raven to see if the water had abated; and it went out and did not return until the water was dried from the earth.

Καὶ ἀπέστειλεν τὴν περιστερὰν ὀπίσω αὐτοῦ ἰδεῖν εἰ κεκόπακεν τὸ ὕδωρ ἀπὸ προσώπου τῆς γῆς.

And he sent the dove after it to see if the water had abated from the face of the earth.

Καὶ οὐχ εὗρεν ἡ περιστερὰ ἀνάπαυσιν τοῖς ποσὶν αὐτῆς καὶ ὑπέστρεψεν πρὸς αὐτὸν εἰς τὴν κιβωτόν, ὅτι ὕδωρ ἦν ἐπὶ παντὸς προσώπου τῆς γῆς· καὶ ἐκτείνας τὴν χεῖρα αὐτοῦ ἔλαβεν αὐτὴν καὶ εἰσήγαγεν αὐτὴν πρὸς ἑαυτὸν εἰς τὴν κιβωτόν.

And the dove found no resting place for her feet and returned to him into the ark, because water was upon the whole face of the earth; and he stretched out his hand and took her and brought her in to himself into the ark.

Καὶ ἐπισχὼν ἔτι ἡμέρας ἑπτὰ ἑτέρας πάλιν ἐξαπέστειλεν τὴν περιστερὰν ἐκ τῆς κιβωτοῦ.

And he waited yet another seven days and again sent the dove out from the ark.

Καὶ ἦλθεν πρὸς αὐτὸν ἡ περιστερὰ τὸ πρὸς ἑσπέραν, καὶ εἶχεν φύλλον ἐλαίας κάρφος ἐν τῷ στόματι αὐτῆς· καὶ ἔγνω Νωε ὅτι κεκόπακεν τὸ ὕδωρ ἀπὸ τῆς γῆς.

And the dove came to him at evening, and it had an olive leaf, a shoot, in its mouth; and Noah knew that the water had abated from the earth.

Καὶ ἐπισχὼν ἔτι ἡμέρας ἑπτὰ ἑτέρας πάλιν ἐξαπέστειλεν τὴν περιστερὰν, καὶ οὐ προσέθετο τοῦ ἐπιστρέψαι πρὸς αὐτὸν ἔτι.

And he waited yet another seven days and again sent the dove, and she did not return to him anymore.

Καὶ ἐγένετο ἐν τῷ ἑνὶ καὶ ἑξακοσιοστῷ ἔτει τῆς ζωῆς Νωε, τοῦ πρώτου μηνός, μιᾷ τοῦ μηνός, ἐξέλιπεν τὸ ὕδωρ ἀπὸ τῆς γῆς· καὶ ἀπεκάλυψεν Νωε τὴν στέγην τῆς κιβωτοῦ καὶ εἶδεν ὅτι ἐξέλιπεν τὸ ὕδωρ ἀπὸ προσώπου τῆς γῆς.

And it came to pass in the six-hundred-and-first year of the life of Noah, in the first month, on the first of the month, the water had departed from the earth; and Noah removed the covering of the ark and saw that the water had departed from the face of the earth.

Ἐν δὲ τῷ μηνὶ τῷ δευτέρῳ, ἑβδόμῃ καὶ εἰκάδι τοῦ μηνός, ἐξηράνθη ἡ γῆ.

And in the second month, on the twenty-seventh of the month, the earth was dried.

Καὶ ἐλάλησεν κύριος ὁ θεὸς πρὸς Νωε λέγων·

And the LORD God spoke to Noah, saying:

Ἔξελθε ἐκ τῆς κιβωτοῦ, σὺ καὶ ἡ γυνή σου καὶ οἱ υἱοί σου καὶ αἱ γυναῖκες τῶν υἱῶν σου μετά σου.

Go out of the ark, you and your wife and your sons and the wives of your sons with you.

Καὶ πάντα τὰ θηρία ὅσα ἐστὶν μετά σου καὶ πᾶσα σάρξ ἀπὸ πετεινῶν ἕως κτηνῶν, καὶ πᾶν ἑρπετὸν κινούμενον ἐπὶ τῆς γῆς, ἐξάγαγε μετά σου· καὶ αὐξάνεσθε καὶ πληθύνεσθε ἐπὶ τῆς γῆς.

And all the wild beasts that are with you and all flesh from birds to cattle, and every creeping thing that moves upon the earth — bring them out with you; and be fruitful and multiply upon the earth.

Καὶ ἐξῆλθεν Νωε καὶ ἡ γυνὴ αὐτοῦ καὶ οἱ υἱοὶ αὐτοῦ καὶ αἱ γυναῖκες τῶν υἱῶν αὐτοῦ μετ᾿ αὐτοῦ.

And Noah went out and his wife and his sons and the wives of his sons with him.

Καὶ πάντα τὰ θηρία καὶ πάντα τὰ κτήνη καὶ πᾶν πετεινὸν καὶ πᾶν ἑρπετὸν κινούμενον ἐπὶ τῆς γῆς κατὰ γένος αὐτῶν ἐξῆλθον ἐκ τῆς κιβωτοῦ.

And all the wild beasts and all the cattle and every bird and every creeping thing that moves upon the earth — after their kinds they went out of the ark.

Καὶ ᾠκοδόμησεν Νωε θυσιαστήριον κυρίῳ τῷ θεῷ· καὶ ἔλαβεν ἀπὸ πάντων τῶν κτηνῶν τῶν καθαρῶν καὶ ἀπὸ πάντων τῶν πετεινῶν τῶν καθαρῶν καὶ ἀνήνεγκεν ὁλοκαυτώματα ἐπὶ τὸ θυσιαστήριον.

And Noah built an altar to the LORD God; and he took from all the clean cattle and from all the clean birds and offered up burnt offerings upon the altar.

Καὶ ὠσφράνθη κύριος ὁ θεὸς ὀσμὴν εὐωδίας, καὶ εἶπεν κύριος ὁ θεὸς διανοηθεὶς· Οὐ προσθήσω ἔτι τοῦ καταράσασθαι τὴν γῆν διὰ τὰ ἔργα τῶν ἀνθρώπων, ὅτι ἔγκειται ἡ διάνοια τοῦ ἀνθρώπου ἐπιμελῶς ἐπὶ τὰ πονηρὰ ἐκ νεότητος· οὐ προσθήσω οὖν ἔτι πατάξαι πᾶσαν σάρκα ζῶσαν καθὼς ἐποίησα.

And the LORD God smelled an odor of sweet savor, and the LORD God said, reflecting: 'I will not add again to curse the earth on account of the works of men, because the mind of man is earnestly set upon evil from youth; I will not therefore add again to strike all living flesh as I have done.'

Πάσας τὰς ἡμέρας τῆς γῆς, σπέρμα καὶ θερισμός, ψῦχος καὶ καῦμα, θέρος καὶ ἔαρ, ἡμέρα καὶ νύξ οὐ καταπαύσουσιν.

All the days of the earth, seedtime and harvest, cold and heat, summer and spring, day and night — they shall not cease.